ئەرێ ڕونشتن ل جهێن تەزی ڕێژا هەودانێن جوبارێن دەستاڤێ زێدەدکەت یان نە؟

نوش نیوز:
دکتور عەدنان صالح تایبەتمەندێ نشتەرگەریێن گشتی بۆ نوش نیوز دیاردکەت کو ساڵانە ٨ ملیون حالەتێن ھەودانا جوبارێن دەستاڤا زراڤ قەستا نوشداری دکەن، و٢٠٪ ژ ئافرەتان دووچاری ڤێ ئاریشێ دبن د ژیانا خودا ،ئانکو ئەڤ گرفتە یا مشەیە د جڤاکیدا.
گۆت خەلک وەسا ھزردکەن کو ھوکارێ ڤێ نەساخیێ نەخاسمە ل وەرزێ زڤستانێ ڕونشتنا ل سەر ئەردێن تەزی و گەلەک جارا ھوشداریا زارۆکا دھێتەکرن نەچنە ناف بەفرێدا چونکی دێ بیتە ئەگەرێ ھەودانێن میزڵدان وگولچیسکان!!
دکتور عەدنانی زێدەتر گۆت کو فاکتەرێن ھاریکار بۆ پەیدابوونا ڤێ ئاریشێ گەلەکن، یا ژ ھەمیا گرنگتر ڕەگەزێ مێ یە، چونکی بوریا میزا وان یا کورتە وب ساناھیتر میکرب دچنە میزڵدانێدا.
٭ ھندەک فاکتەرێن دی ھەنە:
• ئەنجامدانا کارێ سێکسی (ب تایبەتی ژدەرڤەی خێزانێ)
• بەرکێن گولچیسکان ومیزڵدانێ
• ستویربوونا پرۆستاتێ
• دووگیانی ودەمێ حەیزێ (بێنڤێژی) وپشتی ھشکبوونێ (سن الیڕس)
• نەخۆشیا شەکرێ
• لاشەتێن بیانێ د جوبارێن دەستاڤێدا (سوندێن میزێ)
• ستایلێ ژیانێ (کێم ئاڤ ڤەخوارن، کێم بزاڤا لەشی)
• ئاریشێن زکماکی یێن جوبارێن میزکرنێ.
گۆت لێ لێکولینێن زانستی دانپێنەدایە گرێدانەک ھەبیت دناڤبەرا ڕونشتنا ئەردێ ساڕ یانژی دناڤ بەفرێدا دگەل ھەودانێن گولچیسکا یان میزڵدانێ، ئەڤجا ل دەمێ زڤستانێ و بارینا بەفرێ کەیفخۆشیا زاروکێ خۆ تێکنەدەن و بھێلن ب دویف دلێ خو یاریا تێدا بکەن .

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *