بەری کریارا سێکسی پێدڤیە چ بھێتەکرن

نوش نیوز:
ئەڤ بابەتە ئێک ژ بابەتێن ھەستیارە دناڤ جڤاکێ مەدا و بەحسکرنا وی شەرمەک یا تێدا، زانیاری ل سەر ڤی بابەتی کێم دھێنە بەحسکرن، چونکی خەلک شەرم دکەت ڤان زانیاریا بەحس بکەت، تنێ رێژەکا کێم ژ خەلکی زانیاری ل سەر ڤی بابەتی ھەنە، لێ ئەڤ بابەتە گەلەک یێ گرنگە بۆ جڤاکێ کوردی ژ گەلەک ئالیانڤە دێ مفایێ خوە بۆ ھەڤژینان ھەبیت، تایبەت ژ ئالیێ تەندروستی و پەیوەندیەکا دروست و ساخلەم دێ ب رێڤە چیت، دڤێ گوتارێدا دێ چەندین زانیاریان دینە خویاکرن و دێ شەش پێنگاڤاندا بۆ خاندەڤای دیارکەین، داکو ببیتە جھێ مفا وەرگرتنێ و زانیاری ل دەف تاکێ مە پەیداببیت.
پێنگاڤا ئێکێ: بەری کریارا سێکسی ئەڤان خوارنا نەخۆ
ئەڤ جورێن خوارنا ھەرئێک ژ وان کارتێکرنەکا نەرێنی دکەتە سەر ھەڤبەندیا سێکسی ل دەف مروڤی، ژبەر ھندێ دویرکەڤە ل خوارنا وان ئەو ژی
١ــ نەعناع ٢ــ پەتاتێن سورکری ٣ــ خوارنێن دناڤ قودیاندا ٤ــ ماددێن کحولی ٥ــ فێقی پشتی خوارنێ ٦ــ شوفان ٧ــ خوارنێن ھێزێ دبەخشن
ئەڤ جورێن خوارنێ ب شێوەکێ گشتی کارتێکرنەکا نەرێنی ل سەر مروڤی دکەن و ھەر ئێکێ کارتێکرنەکا خوە یا ھەی، لەوا گرنگە ئەڤ جورێ خوارنێ نەھێنە خوارن بەری کو کریارا سێکسی بھێتە ئەنجامدان، رەنگە ببیتە ئەگەر کو ساربوونەک دناڤ ھەڤبەندیا وان دا دروست بیت.
*پێنگاڤا دووێ: پێدڤیە ئافرەت ژ ڤان رەفتارا دویربکەڤیت بەری کریارا سێکسی
پەیوەندیا ئەڤینیێ و سێکسی گرنگترین بنەمایە دناڤبەرا ھەڤژیناندا، لەوا پێدڤیە بزانیت چاوا رەفتارێ بکەن، بۆ وێ چەندێ دڤێ پەیوەندیێ دا سەرکەفتی بن، چاوا دێ ئامادەبی بۆ دەربرینا ھەستێ خوە یێ عەشقێ؟ دێ بەحس ل ڤێ چەندێ کەین کو زور پێدڤیە بزانین چاوا دێ خوە ئامادە کەی بۆ دەربرینا ھەستێ خوە و پەیوەندیا خوە یا ئەڤینی و سێکسی، چونکی پەیوەندیا سێکسی ب تنێ بەس نیە بۆ ب دەستڤە ئینانا ھەڤژینێ خوە و زێدەبوونا ئەڤینیێ دناڤبەرا ھەوەدا، رەنگە ئەڤە ژ کەسەکی بۆ ئێکێ دی گورانکاری ب سەردا بھێن، لەوا گرنگە ئافرەت بەری ئەنجامدانا کریارا سێکسی گرنگیێ بدەنە جل و بەرگێن خوە و بێھنا خوش ل خوە بکەن بۆ سەرنج راکێشانا ھەڤژینێ خوە، چونکی ئەنجامدانا ڤان ھەردوو خالا دێ بیتە ئەگەر کو ھەڤژینێ تە دلخۆش بیت.
ڤەکولێنێن زانستی و جڤاکی ئاگەھداری دایە خانمان بەری ئەنجامدانا سێکسی ھوشیاری ڤان خەلەتیابن و ئەنجام نەدەن، ئەو ژی گەنگەشە ل سەر بابەتێن نە پێدڤی، چونکی ل وی دەمی دا ھەڤژینێ تە پێدڤی ل ئاریشە و کێشا دویربکەڤیت، لەوا ھەولبدە گرنگی ب ئەڤینیا دناڤبەرا ھەوەدا بدە و بەحس ل وی بابەتی بکە کو دلێ ھەڤژینێ تە پێخوش بیت و دوربکەڤە ل زور ئاخفتنێ، دوربکەڤە ل خوارنێن تیژ،چونکی ئەڤ خوارنە دبنە ئەگەرێ تێکچوونا ئەندامێ مێینەیێ زاوزێ و دێ تە توشی نەئارامیێ کەن و بارودوخەکێ نەئارام بووتە دروست کەن، خوە ب وێ چەندێ ڤە مژول نەکە کو ھەڤژینێ تە ھەست بکەت کو تە شیانێن ئەنجامدانا پەیوەندیا سێکسی نیە، ھەولبدە باوەریێ بخوە چێکەی و نەبە ئەگەرێ نەشرینکرنا خوە، چونکی ھەڤژینێ تە گەلەک حەز ژ تە دکەت، لەوا بەری پەیوەندیا سێکسی خوە ژ دو دلیێ خلاس بکە و دەرونەکێ ئارام بۆ خوە چێکە دێ ب ڤی شێوەی پەیوەندیەکا سەرکەفتی و بێ ئاریشە و تەندروست پری خوشی ب رێڤەبەی.
پێنگاڤا سێیێ:
ھەتا نوکە زور ل ھەڤژینان نزانن کا کیژ دەم بۆ سێکسکرنێ یێ گونجایە و ل چ دەمەکی ڤێ کریارێ ئەڤ پروسەیە بھێتە ئەنجامدان، ڤەکولینەکا زانستی ئاشکرا کریە کو باشترین و گونجانترین دەم بۆ سێکس کرنێ دەمێ سپێدەھیانە بەری روژھەلاتنێ، چونکی د وی دەمی دا ئەندامێن لاشێ مروڤی و ھەست و ھزرا مروڤی چالاک دبیت، ئەڤ ڤەکولینە دگەل دینی ژی ھەڤرایە کو ھاتیە ل پشتی نڤێژا سپێدێ دەمەکێ گەنجایە بۆ ئەنجامدانا کریارا سێکسی.
پێنگاڤا چوارێ:
جھێ کو سێکس لێ دھێتە کرن دڤێت چاوا بیت
سێکسکرنێ ئێک ژ بابەتێن گرنگە دناڤ پروسێسا ھەڤژینیێ دا و کاریگەریەکا راستەۆخۆ ل سەر ژیانا ھەڤژینان یا ھەی، لەوا فەرە زور گرنگی ب ڤی لایەنی بھێتەدان. ئەو جھێ کو پێدڤیە ھەڤژین کریارا سێکسی ئەنجامدەن، زور یێ نھێنی بیت و یێ دویربیت ل بەر چاڤێن ھەمو کەسەکی و نابیت ھەمو کەس نزیکی وی جھی بن ھەتا زارۆک ژی، لەوا پێدڤیە ئەو جە یێ بێ دەنگ و ڤەشارتی بیت و دەرگەە یێ گرتی بیت.

چاڤەرێ بن دێ هەردوو قوناغێن پێنج و شەش ژی هێنه بەلاڤکرن ل مالپەرێ نوش نیوز دا

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *