سەرەدانێن خەلکێ مە ساخلەمیا نەخۆشی خرابتر لێ دکەن

نوش نیوز:

سەرەدانکرنا نەخوشان چ ل ناڤ نەخوشخانێ بیت یان ژی ل مالدا بیت ئێک ژ کارێن جوان و مروڤایەتیی یە دناڤ جڤاکی دا، ھەروەسا ژ ئالیێ ئاینی ژی ڤە خێرەک مەزنە، ئەڤ چەندە دبیتە ئەگەر کو پەیوەندیێن جڤاکی بھێزتر لێ بھێن و ھەستەکێ خوش بۆ نەخوشی دروست بیت ھەست ب کێماتیا خۆ نەکەت.

ل ڤێرە من دڤێت بەحس ل سەرەدانا خەلکی بکەم دەمێ قەستا نەخوشخانێ دکەن بۆ مەرەما سەرەدانکرنا نەخوشێ خۆ، ئەڤجا ئەڤ نەخوشە چ خزم بیت یان ژی ھەڤالەک یان جیرانەک بیت…ھتد سەرەدانا نەخوشی ب گشتی کارتێکرنەکا ئەرێنی و نەرێنی یا ھەی، لێ پرسیار ئەوە کەنگی ئەڤ کارکێکرنە دبیتە ئەرێنی و کەنگی دبیتە نەرێنی؟

ل ڤێرەدا من دڤێت باژێرێ ئاکرێ وەکو نمونە بینم، کو خودان دوو نەخوشخانەیە(نەخوشخانا گولان یا گشتی و نەخوشخانا تەنگاڤیا) ھەروەسا ئێک ژ وان دەڤەرێن پتر عەشایری یە و ھەڤنیاسینەک لێک دناڤبەرا واندا یا ھەی، زورجاران دێ بینین کو کەسەک یێ نەخوش کەفتی و ل نەخوشخانێ دا یێ ھاتیە نڤاندن، ئەڤجا کەس و کار و ھەڤالێن وی نەخوشی دێ سەرەدانا وی کەن، لێ ئەم دبینین کو زور جاران ٥ ھەتا ١٠ کەسا ل سەر سەرێ نەخوشی نە، یان ل دەوروبەرانە، ھەتا مە دیتی یە، ٥ کەس ل سەر تەختەکێ ڤالا د ژورا نەخوشی دا رونشتی نە، ھەروەسا ئاخفتن و تەلەفون بەردەوام دھێنەکرن ل ھنداڤ سەرێ نەخوشی، ئێک خالێن گرنگ، نوشدار و ھاریکارێ نوشداری زور جاران زەحمەتێ دبینن ھەتا کو دەرمانێن نەخوشا بدەنێ و چاڤدێریا وان بکەن، خالا دی یا کو ھەرە گرنگ کو ئەم دبینین تایبەت ل قەزا ئاکرێ ل نەخوشخانا گولان و تەنگاڤیاندا، ئەو ژی سەرەدانێن خەلکی گەلەک درێژدبن و ل ناڤ مەمەرو باخچێن نەخوشخانێ دانیشن و ھەتا نەخۆش ھەبوویە ل نەخوشخانێ یێ نڤاندی بوویە، پتری ١٠٠ ژن و مێرا ل ناڤ نەخوشخانێ دا دگەل دا بووینە، قەلەبالغیەکا زۆر دروست کریە دناڤ نەخوشخانێ دا، مخابن تا نها خەلکێ مە نزانیت چاوا و کەنگی سەرەدانا نەخۆشی بکەت و ئەتەتێکێن سەرەدانا و هوشیاری ل دەف  نینە و ب شێوەکێ بەرئەلایێ سەرەدانا نەخۆشا دکەن.

ل ڤێرە ئەڤ جورێ سەرەدانێ زیانێن وێ پتر ژ باشیا وێ و کارتێکرنەکا نەرێنی ل سەر ساخلەمیا نەخۆشی ژی دھێتەکرن، چونکی خەلکێ مە سەرەدانەکا نە دروست دکەت، ئەڤە دبیتە سەرەدانەکا نەرێنی و زیانێن وێ پتر ژ باشیا وێ، لێ ھەکە سەرەدان یا کورت ب گرنژین بیت و دیاریەکا بێھن خوش وەکو نێرگزەک یان گولەک بۆ دگەل خۆ ببەن و ھندەک ئاخفتنێن خوش بێژنە نەخوشی و دەمەکێ کێم ل دەف بن، وی دەمی ئەڤ سەرەدانە دێ یا ئەرێنی و دروست بیت، چ کارتێکرنێ ل ساخلەمیا نەخوشی ناکەت، دێ کارمەندێن ساخلەمیێ ژی ب شێوەکێ جوانتر شێن کارێ خوە ئەنجامدەن.

زێده‌تر نیشان بده‌

سه‌باح زهێر

سەباح زوهێر دەرچوویێ زانکویێ و بەرپرسێ راگەهاندنا ساخلەمیا ئاکرێ و چەند سالە کارێ روژنامەڤانی دکەت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *