ب کوژمێ ٤٦ ملیار دیناران دێ نەخۆشخانا پەنچەشیری ھێتە ئاڤاکرن

نوش نیوز:

رێڤەبەرێ پشکا کاروبارێن ئەندازیاری وئامیرێن پزیشکی ل ساخلەمیا پارێزگەھا دھۆکێ دیارکرکو نەخشەیێ ئاڤاکرنا نەخۆشخانا پەنچەشێرێ ل پارێزگەھا دھۆکێ ھاتیە دانان دێ لسەر رووبەری ٣٠ ھزار مەترین ئەردی ھێتە ئاڤاکرن.

ئەندازیار محمد مەم، رێڤەبەرێ پشکا کاروبارێن ئەندازیاری وئامیرێن پزیشکی ل ساخلەمیا پارێزگەھا دھۆکێ بۆ(نوش نیوز) دیارکر کو رووبەری ٣٠ ھزار مەترێن ئەردی ھاتینە تەرخانکرن بۆ چێکرنا نەخۆشخانا پەنچەشێرێ ب رەخ نەخۆشخانا سووتن وجوانکاریێ ڤە ل پارێزگەھا دھۆکێ لێ ئەڤ رووبەرێ ھاتیە دەستنیشانکرن ھەموو نابنە نەخۆشخانە، بەلکو دێ نەخۆشخانە بخوە ل سەر رووبەرێ ٢٢ھزار و ٥٠٠ مەترێن ئەردی بیت و گۆت: دی نەخۆشخانەکا پێنج قاتی بیت ژوانا ژی دێ دو قات سەرداب بن و سێ قات دێ بو نەخۆشان بن.

تەکەز کر کو نەخۆشخانا پەنچەشێرێ ل دھۆکێ ب شێوەیەکێ مۆدرین وھەڤچەرخ دێ ھێتە چێکرن و دێ ژ سەد تەختا پێک هێت و دو کومپانی دێ ب چێکرنا پرۆژەی رابن ئەوژی کومپانیەکا نافخۆیی و کومپانیەکا بیانی نە بناڤێن کومپانیا شانیک و دیتاکو کوژمێ پرۆژی ٤٦ ملیار و ٩٧ ملیون دینارن .

ئاشکەرا کر کو ھەکە بۆدجە بھێتە دانان وپارێ ڤی پرۆژی بھێتە مەزاختن دێ ماوێ دو سالاندا ب دووماھی ھێت و گۆت ئەم چاڤەرێی دابینکرنا پارەی دکەین بۆ چێکرنا ڤێ پرۆژی زۆر گرنگ ل پارێزگەھا دھۆکێ داکو بکەڤیتە دخزمەتا نەخۆشاندا.

زێده‌تر نیشان بده‌

له‌زگين جۆقى

له‌زگين جۆقى ژ دايكبوويێ 1980ێ يه‌. 10 ساله‌ كارێ رۆژنامه‌ڤايێ ل دهۆكێ دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *