نوشداره‌ك نیشانێن په‌نجه‌شێرا مه‌مكى ئاشكرا دكه‌ت !

نوش نیوز:
وه‌ك دیار نها دا په‌نجه‌شێر بویه‌ نه‌خوشیه‌كا به‌ربه‌لاڤ و هه‌تا نها ل جیهانێ هه‌مویێ ئه‌گه‌رێ وێ نه‌خوشیێ نه‌هاتیه‌ زانین لێ نوشداره‌كا تایبه‌تمه‌ندا وێ نه‌خوشیێ چه‌ند نیشانێن نه‌خوشیا په‌نجه‌شێرا مه‌مكى بو نوش نیوز دیار دكه‌ت.

سه‌نا ره‌شید تاها، تایبه‌تمه‌ندا نه‌خوشیێن مه‌مكى بو نوش نیوز گوت: حه‌فتیێ دوو رۆژان ئه‌م چاره‌سه‌ریا ژنان دكه‌ین وئه‌وێن بو نه‌خوشیێن په‌نجه‌شێرا مه‌مكى و گرێكا قه‌ستا مه‌ دكه‌ن و گه‌له‌ك رۆژان (50) كه‌سان سه‌ره‌دانا مه‌ كریه‌ و گوت ژى: (75%) ئه‌و كه‌سێن سه‌ره‌دانا مه‌ دكه‌ن نه‌خوشیێن بێ مه‌ترسى هه‌نه‌ وه‌ك ئینتهاباتێن مه‌مكى لێ هنده‌ك جاران ئه‌م حاله‌تێن په‌نجه‌شێرێ دبینین و دلخوشین نها دا هه‌ر ژنه‌كا سینگێ وێ ئێشا زوى قه‌ستا مه‌ دكه‌ن و ژ په‌نجه‌شێرێ د ترسن و هند ژن ژى هه‌نه‌ هه‌تا نها شه‌رم دكه‌ن سینگێ خو نیشا نوشداره‌كا ژن بده‌ن و قه‌ستا مه‌ ناكه‌ن و گوت ژى: هه‌تا نها ئه‌گه‌رێ نه‌خوشیا په‌نجه‌شێرا مه‌مكى نه‌هاتیه‌ زانین لێ هنده‌ك نیشان هه‌نه‌ فه‌ره‌ ژن ئاگه‌هداربن ژ وان نیشانان ژ وان ژى : خوارنا حه‌بكێن قه‌له‌ویێ ئه‌گه‌ره‌ و نه‌دانا شیرى بو زاروكى ئه‌گه‌ره‌ و قه‌له‌وى ژى ئه‌گه‌ره‌ و هنده‌ك ژن حه‌بكان دخون دا كو خولا وان یا هه‌یڤانه‌ گیرو ببیت و ده‌ما ئه‌و حه‌بكا بێ نوشدار بخون و بو ده‌مێ سالان ب عه‌شوائى وى ده‌رمانان بخون ئه‌و هه‌مو هنده‌ك نیشانن بو نه‌خوشیا په‌نجه‌شێرێ

ناڤبریێ گوت ژى: هنده‌ك ژن ب چ ره‌نگه‌كێ شیرێ خو نا ده‌نه‌ زاروكى ئه‌و ژن یان فه‌رمانبه‌رن ده‌م نینه‌ یان هنده‌ك ژن دبێژن دا كو ره‌نگێ مه‌مك و سینگێ من كرێت نه‌بیت شیرى ناده‌نه‌ زاروكى و ئه‌و ژى هنده‌ك ئه‌گه‌ر و نیشانن و ژن دشێن شیرێ خو بكه‌نه‌ سه‌لاجێ دا و ده‌مێ پێـتڤى بده‌نه‌ زاروكێ خو
هه‌مان نوشدارێ لدور نه‌خۆشێن په‌نجه‌شێرا مه‌مى گوت: هنده‌ك جاران (گرێك) ل سینگێ ژنێ داد روست دبیت و ژن هه‌ست پێ دكه‌ت تاڤ سینگێ وێ دا گرێكه‌كا ره‌ق هه‌یه‌ ده‌مێ ده‌ستێ خو دانا سه‌ر هه‌ست پێ دكه‌ت و ئه‌و گرێكه‌ نا ئێشیت ئه‌و نیشانا په‌نجه‌شێرێ یه‌ و ئه‌گه‌ره‌كێ دیتر كو سه‌ركێ مه‌مكى وه‌ك خوینه‌كێ ژێ دهێت و یان ره‌نگێ مه‌مكى دهێت گوهرین یان مه‌مكه‌ك ژ یێ دیتر مه‌زنتر ببیت و هنده‌ك جاران مه‌مك وه‌ك تیڤلكێ پرته‌قالێ لێ دهێت و یان سه‌رێ مه‌مكى دچیته‌ ناڤ له‌شى دا یان پارچه‌كا مه‌مكى كویر دبیت و دچیته‌ ناڤ دا و ئه‌ڤ هه‌مو نیشانن و فه‌ره‌ زوى قه‌ستا نوشدارێن تایبه‌تمه‌ند بكه‌ ن و ئه‌گه‌ر زوى قه‌ستا مه‌ بكه‌ن و چاره‌سه‌ریێ وه‌ربگرن دێ ژ په‌نجه‌شێرێ دویر كه‌ڤن و هیڤیه‌ هه‌ر ژنه‌كا نیشانه‌ك و گرێكه‌ك ل مه‌مكێ خو دا دیت زوى قه‌ستا مه‌ بكه‌ت تا كو ژیانا وێ نه‌كه‌ڤیته‌ به‌ر مه‌ترسیێ.

زێده‌تر نیشان بده‌

روژهات لوقمان

روژهات لوقمان شكر ژ دايكبوويێ 1992يه‌. وه‌كو رۆژنامه‌ڤان ل دهۆكێ ل كه‌نالێن راگه‌هاندنێ و رۆژنامه‌ و كۆڤاران كار كريه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *