پتریا زارۆکان تووشی نەخۆشیا دودليی دبن

نوش نیوز:

ل سەنتەرێ ساخلەمیا دەروونی زارۆکێن ئێک سالی ھەتا ١٨ سالیێ دھێنە چارەسەرکرن گەلەک جۆرێن خزمەتا دھێنە پێشکێشکرن بۆ وان کەسێن قەستا سەنتەرێ دەروونى ل دھۆکێ دکەن، ھەر نەساخەکێ دھێتە وەرگرتن ل دەستپێکێ فایلەک بۆ نەساخی دھێتە بەرھەڤکرن و پاشی جۆری نەساخی دھێتە دەستنیشانکرن ھەکە نەساخی پێدڤی چ جۆرێ چارەسەریێ بیت ل سەنتەری بۆ دھێتە کرن.

ئەنفال عه‌بدولحه‌ق ھەلگرا باوەرنامە ماستەرێ ب نەخۆشیێن دەروونی بۆ نوش نیوز دیارکر کو زارۆک تووشی گەلەک جۆرێن نەخۆشیێن دەروونی دبن پتریا زارۆکا ژی تووشی نەخۆشیا دودليێ و نەئارامیێ دبن یان ژی فوبیا ھەبیت ھەر زارۆکەکێ بھێتە سەنتەری ژی ب باشترین شێوە خزمەتا وی دھێتە کرن، چونکو ل سەنتەرێ دەروونی ستافەکێ باش ھەیە ھەر ھندەک کارەکی ئەنجام ددەن بۆ خزمەتکرنا نەخۆشی و ب راستی ژی دایک و بابێن زارۆکان ژی زۆر د ھەڤکارن د گەل سەنتەری و دەمێ دبینن زارۆکێ وان یێ نەخۆشە ڤەدگوھێزنە سەنتەرى و ئەم چارەیا وان دکەين.

ئاشکرا کر کو ھندەک جاران زارۆک پێدڤی چارەسەریەکا درێژ دبیت رەنگە بۆ ماوێ سالەکێ ژی بەردەوام قەستا سەنتەرى بکەت بۆ چارەسەریێ و ھندەک زارۆک ژی بۆ ماوێ حەفتیەکێ دمینن دھێنە چارەسەرکرن، ئەڤە ل دووڤ رێژا نەخۆشیێ دمینيت ھەکە نەخۆشی یا سڤک بیت زوو دھێنە چارەسەرکرن و ھەکە نەخۆشی یا گران بیت پيچەکی گیرۆ دبیت لێ باشترین ب شێوە دھێتە چارەسەرکرن.

زێده‌تر نیشان بده‌

له‌زگين جۆقى

له‌زگين جۆقى ژ دايكبوويێ 1980ێ يه‌. 10 ساله‌ كارێ رۆژنامه‌ڤايێ ل دهۆكێ دكه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *