شەش حالەتێن ئایدزێ ل دھۆکێ ھەنە

نۆش نیوز:

ئەڤرۆ پرێس کونفرانسەک ل دور کونترولکرنا نەخۆشیا تایا خوینبەربوونێ و ئایدزێ و کولێرایێ هاته‌ ئه‌نجامدان.
به‌ھزاد علی ئادەم، پارێزگارێ دھۆکێ ب وەکالەت، دیارکر کو لیژنەکا بلند لسەر ئاستێ پارێزگەھا دھۆکێ ھەیە و ھەموو قایمقام و رێڤەبەرێن پەیوەندیدار ئەندامن تێدا کو کاربکەن بو بجھئینانا ھەر بڕیارەکا بھێتە دان ل ھەموو جھان ژپێخەمەت پاراستنا ساخلەمیا گشتی و خواست دەزگەھێن راگەھاندنێ ژی ھاریکاربن بو بەلاڤکرنا ھشیاری و روشەنبیریا ساخلەمیێ دناڤ وەلاتیان دا.
د.نزار عسمت، رێڤەبەرێ گشتیێ ساخلەمیا پارێزگەھا دھۆکێ دیارکر کو چو حالەتێن کولێرایێ و تایا خوینبەربوونێ ل دھۆکێ نەھاتینە تومارکرن و گۆت: شەش حالەتێن ئایدزێ ل دھۆکێ ھەنە و دگەل دەزگەھێن پەیوەندیدار دکاری داینە بو کو زێدەتر نەھێتە بەلاڤکرن.
رێڤەبەرێ گشتیێ ساخلەمیا پارێزگەھا دھۆکێ دیارکر ژی لیژنێن تایبەت ل ھەموو قەزایان ھاتینە پێکئینان و دێ کارکەن بو ھندێ نەحۆشیێن ناڤبری بھێنە کونترولکرن و بەردەوام لیژنێن چاڤدێریا ساخلەمیێ دێ کارکەن بو بجھئینانا رێنمایان.
د.دیار ته‌یب، رێڤەبەرێ ڤیتەرنەریا دھۆکێ دیارکر ھەموو پێرابوون ژ رەشاندنا جھێن خودانکرنا پەزی و سەرژێکرنا ئاژەلی ھاتینە وەررگرتن و گۆت: دێ کارکەین ھەتا کو چو مەترسی ل سەر خەلکی نەمینن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *