نەخوشیا شەکرێ جور و نیشانێن وێ

نوش نيوز:

ب شێوەکێ سروشتی رێژا کلوکوزی د خوینێ دا دھێتە کونترول کرن ژ لایێ ئەنسولینی ڤە، کو ھورمونەکە دھێتە بەرھەم ئینان ژ لایێ پەنکریاسێ ڤە. ئەنسولین رێژا کلوکوزی دخوینێ دا نزم دکەت. لێ کەسێن تووش بووی ب نەخوشیا شەکرێ ژ ئەگەرێ لاوازیا بەرھەم ئینانا ئەنسولینا پێدڤی یان کارنەکرن ب شێوەکێ چالاک دێ بیتە ئەگەرێ بلندبوونا شەکرێ دخوینێ دا. ئەڤ نەخوشیە یا درێژ خایەنە، ھەرچەندە دشێت بھێتە کونترول کرن لێ بۆ ماوێ ھەتا ھەتای دمینیت.

جورێن وێ:

د ھەر جورەکێ نەخوشیا شەکرێ دا، ئاریشا سەرەکی یا ساخلەمیێ بلندبوونا رێژا کلوکوزی یە:

– نەخوشیا شەکرێ یا جورێ ١: ئەڤ جورە روویددەت دەمێ خانێن بەرھەم ئینانا ئەنسولینی د لاشی دا کارنەکەن و ئەنسولینی بەرھەم نە ئینن. پێدڤیە ھەردەم بھێتە کونترول کرن ب وەرگرتنا دەرزیێن ئەنسولینان. ئەڤ جورە گەلەک یێ بەربەلاڤ نینە وەکی جورێ دووێ.

–  جورێ ٢:  ئەڤ جورە پەیدا دبیت دەمێ ئەنسولینا پێدڤی نەھێتە بەرھەم ئینان، نێزیکی ٩٠% ھەمی حالەتێن نەخوشیا شەکرێ ل جیھانێ ژ جورێ دووێ نە. دبیت تو بشێی کونترولا وێ بکەی ب رێکا خوارنەکا رێک و پێک و راھێنان و خوارنا دەرمانان، لێ نەخوش دێ ھەر پێدڤی وەرگرتنا ئەنسولینان بیت بۆ چارەسەرکرنا حالەتی، چونکە ئەڤ جورە ھەر د پێشڤەچوونێ دایە و خرابتر دبیت.

– جورێ ٣ نەخوشیا شەکرێ یا دووگیانیێ: ئەڤە پتر گرێدای یە ب ئافرەتێن دووگیان ڤە، ل دەمێ دووگیانیێ رێژا کلوکوزی د خوینێ دا بلند دبیت و ئەنسولینا پێدڤی نەشێت بھێتە بەرھەم ئینان ژ لایێ لاشی ڤە، ئەڤجا دێ کلوکوز بەردەوام بلند بیت. نێزیکی ھەر ١ ژ ١٠ ئافرەتێن دووگیان تووش دبن. ئەو ئافرەتێن تووشی ڤی جوری دبن مەترسیەکا مەزن ھەیە بۆ تووش بوون ب جورێ دووێ پشتی دووگیانیێ.

نیشانێن نەخوشیێ:

– تێھنی بوونا زێدە

– میزتنا زێدە

– کێمبوونا کێشێ

– وەستیان و برسی بوون

– درەنگ ساخ بوونا برینان و ئاریشێن پیستی

نە چارەسەری یا نەخوشیا شەکرێ دشێت ببیتە ئەگەرێ دەرکەتنا ئاریشێن دوم درێژ و دژوار، دیسان ب زەحمەت بۆ چارەسەریێ، ژ وان:

– لاواز بوونا چاڤا و کورە بوون.

–  نەخوشیێن دەمارا

– نەخوشیا گولچیسکان و بلند بوونا مەترسیا نەخوشیێن دلی و جەلتێ.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *