ل چه‌مانكێ ١٤ کەس ژەھراوی بوون
نوش نيوز:
د. نزار عیسمەت رێڤەبەرێ گشتی یێ ساخلەمیا پارێزگەھا دھۆکێ دیارکر کو ل دەڤەرا جەمانکێ ژ ئەگەری غازا دويێ يا ئوکسیدا کاربۆن ١٤ کەس ژەھراوی بووینە، ھەر ١٤ کەس بۆ نەخۆشخانا ئازادی و ھیڤى و ھاوار ھاتنی ل دھۆکێ ھاتينە رەوانەکرن و نوکە رەوشا ھەر ١٤ کەسان گەلەک يا باشە و چو مەترسیی ل سەر ژیانا وان نينە، ھەموو د بەرھەڤن بھێنە رەوانەکرن بۆ مال. رەوش ل ژێر کونترۆلێ یە، ھەموو جۆرێن چارەسەریێ بۆ ڤان نەخۆشان ھاتينە کرن.
گۆتژى: “ھەر روودانەکا ھوسا یا نەچاڤەریکرێ روو بدەت د بەرھەڤين د ھاوارا خەلکي بچين، وه‌لاتيان پشت راست دکەین ھەر روودانەکا ھوسا روو بدەت دێ ھێتە کونترۆل کرن ل نەخۆشخانەیان، ھەموو پێدڤی ھەنە و ئيدارا پارێزگەھا دھۆکێ دەست ب دووڤچوونێ کریە ل سەر ئەگەران و نەھێلانا روودانا حالەتەکێ ھوسا يێ ژەھراويبوونا وەلاتیان”.
ژ لايه‌كێ دى ڤه، د. نزار بەکر رێڤەبەرێ نەخۆشخانا ھیڤی یا زارۆيان ل دھۆکێ دیارکر کو سەرجەمێ ١٤ کەسێن ژەھراوی بووین حه‌فت ژی زارۆنه، ژیێ وان سالەک ھەتا ١٤ سالیێ نە ب تنێ رەوشا دو زارۆيان پێدڤی ھندێ دکر بکەڤنە دبن ئوکسجینێ دا، ھەتا بوویە سپێدەھیا ئەڤرۆ ٩-٧-٢٠١٨ رەوشا ھەر پێنچ زارۆيێن دى يا باشە چو مەترسیەک ل سەرڤان زارۆيان نينە، دێ ھەموو ژ نەخۆشخانێ ھێنە دەرخستن، دێ چنە ناڤ خێزانیێن خوە.
