ئهو زهلامێن زوو دگههنه حهزا خۆ چ بكهن؟
نوش نیوز:
كهسهكی پهیامهك گههاندیه نوش نیوز و حهز دكر چارهسهرى بۆ بهێته دیتن كو ئهو كهسه زوو دگههیته حهزا خۆ، د دووڤچوونا مه دا نوشدارهك ناڤهروكا بابهتى دیار دكهت و دبێژيت: هندهك كهس ههنه زوو دگههنه حهزا خوه و ئاڤا زهلامینیێ زوو د لاشێ وان دا دهركهڤیت.
د. نهشوان محهمهد رهشید تایبهتمهندێ نهخوشیێن گۆلچیسك و جو و میزهرۆیێ بۆ نوش نیوز دیاركر: ئهڤه بو چهند ئهگهران د زڤریت ژ وان ژى؛ یان ئهو كهسه ل دهستپێكێ ب ڤى رهنگى بوویه ئهو بارا پتر ژ ئهگهرێ دهروونى، یان ژى ئهگهر ئهو كهسه ل دستپیکی یی درست بوو و تازہ تووشی ڤێ ئاریشێ بوويه دبيت ژ ئهگهرێ ھندهک نهخوشیان بيت وهکو ههودان يان تێكچوونا هۆرمۆناتان و ئهڤ چهنده دبيته ئهگهرێ پهيدابوونا فشارهكا دهروونى يا زێده ل سهر ڤى كهسى.
د. نهشوان محهمهد رهشید تایبهتمهندێ نهخۆشیێن گۆلچیسك و جو و میزهرۆیێ گۆتژى: “یا فهره ئهو كهسه سهرهدانا نوشدارهكێ تایبهمهندێ نهخوشیێن(جو و میزهرویێ) بكه ت ژ بەر كو گەلەك جارا دبيت چارەسەري بۆ وێ نەخۆشيێ هەبيت يان هندهك جاران نوشدار هندهك راهێنانان نیشا وى كهسى بدهت و رهوشا وى باشتر لێ بهێت”.
ناڤبرى نهڤهشارت ژى: دهمێ سروشتی یێ كو زلهام تیدا بگههیته حهزا خۆ د ناڤبەرا (2 ههتا 5) خولهكانه و ئهگهر زهلام ژ كێمتر ژ (2) خولهكان گههشته حهزا خۆ ل وى دهمى ئهم دشێين بێژين وى كهسى ئاریشه یا ههى.
