ددانێ من دئێشيت و ئاريشه‌ ده‌مارا وى يه‌… چاره‌سه‌رى چيه‌؟

نوش نيوز:

سەمیان محەمەد: ئەڤە دەمەکە ددانەک من گەلەک دئێشیت، نوشداری گۆتە من پێدڤیە تو دەمارا ددانێ خۆ چارەبکەی، ئەرێ چارەسەریا دەمارا ددانی چیە و کەنگی پێدڤیە بھێتە کرن و چەند ڤەدکێشیت؟

د. عەبدولکەریم رەمەزان، تایبەتمەندێ نەخۆشیێن ددانان: چارەسەریا دەمارا ددانی رێیەکە بۆ چاکسازیکرن یان قورتالکرنا ددانێن گەلەک کرمی بووی و کونترولکرنا ئێشانێن ژ ئەنجامێ ھەودان یان ژناڤچوونا دەماری دیاردبن دھێتە ب کارئینان، و دەمێ رەنگێ ددانی تاری دبیت و وەرمین و ھەستداری ل دەوروبەرێ پێدیا ددانی پەیدادبیت، یان ل دەمێ کولک دکەڤنە پێدیا ددانی، ل وان دەمان پێدڤیە ئێکسەر ھزر ل چارەسەریا ددانی بھێتە کرن.

ژ گرنگترین بەرژەنگێن نیشانێ ب چارەسەریا دەماری ددەن ئەوە ل دەمێ ئێشانەکا زور ل دەمێ خوارنێ دکەڤیتە ددانی، یان ل دەمێ ئێشانەکا دژوار و دومدرێژ دگەل خوارن و ڤەخوارنێن تەزی و گەرم پەیدادبیت و یا بەردەوام بیت ھەتا کارتێکرنا تەزیاتیێ ل سەر نەمینیت، دیسان ل دەمێ رەنگێ ددانی تاری دبیت و وەرمین و ھەستداری ل دەوروبەرێ پێدیا ددانی پەیدادبیت، یان ل دەمێ کو کولک دکەڤنە پێدیا ددانی، ھەر چەندە مە نەڤێت ددان بگەھیتە وان قوناغان، بەلێ ل وان دەمان پێدڤیە ئێکسەر ھزر ل چارەسەریا ددانی بھێتە کرن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *