ئیکۆیا دلی چیە و کەنگی مرۆڤ پێدڤی دبیتێ؟

رۆژانە بۆ دۆرێن 30 نەخۆشان دھێتە گرتن

نوش نيوز:

رۆژانە ل دۆرێن 30 نەخۆشان ل نەخۆشخانا ئازادی پێدڤی ب گرتنا ئیکۆیێ دبن، ب رێیا ئیکۆیێ گەلەک ئاریشێن دلی دھێنە دەستنیشانکرن، گەلەک کەس دژیانا خوە دا پێدڤی ب گرتنا ئیکۆیێ دبن و ژ بێھن تەنگیەکا نورمال ھەتا گەھشتن ب گرتنا سەمامێن دلی دھێتە گرتن، دوبارەکرنا ئیکۆیێ ژی د ھندەک دەلیڤەیان دا ژ کارێن گرنگ و پێدڤیە بۆ ھندێ نوشدار ب دروستی ل سەر رەوشا نەخۆشی ھلببیت.

د. ئەمین موسا تایبەتمەندێ نەخوشیێن دلی و ھناڤا دیارکر کو ل نەخۆشخانا ئازادی پشکەکا تایبەت بو ئیکویێ ھەیە و روژانە دۆرێن 30 نەساخا قەستا وان دکەن و گۆت: ئیکو سونارا دلی یە و ئەم ب رێیا ئیکویێ پشکنینا دلی دکەین و سەحدکەینە دلی کا شوولی وی یێ چاوایە و بەرێخودانێ ل سەمامێن ناڤ دلی دا دکەین و دیسا سەحدکەینە ھەموو پارچێن دلی، ھەروەسا دوبلەر ژی یێ ل گەل ئیکویێ ئەم ب وی سەحدکەینە ھاتن و چوونا خوینێ دناڤ دلی دا.

د. ئەمین موسای دیارکر ژی کو ئیکو بەھرا پتر جاران بو ئێشێن دلی دھێتە بکارئینان، نە ب تنێ ئەو ئێشێن دلی ئەوێن خوینگێران دگرن، بەلکو ئەوێن سەمامان دگرن ژ ناڤدا، ھەروەسا ئەوێن ماسولکێن دلی دگرن و ئەو ئێشێن پەردا دلی دگرن، دیسا بو دەمارێن مەزن ئە وێن ژ دلی دەردکەڤن و ھەموو ب رێیا ئیکویێ دھێنە پشکنینکرن و دەستنیشانکرن.

تایبەتمەندێ نەخۆشیێن دلی و ھناڤان دیارکر کو ئیکو دبیتە ھاریکار بو نوشداران کو بشێن نەخۆشیێ دەستنیشان بکەن و بزانن ئاریشەیا دلی د چ دایە و گۆت: ئەو نەخۆشێن پێتڤی ب ئیکو د بن، ئەون یێن تووشی بێھن تەنگیێ دبن و بێھن تەنگیەکا نە یا ئاشکرا، ھەروەسا بو وانژی دھێتە ب کارئینان یێن دلقوتانەکا زێدە یان کێم و نە دیار ل دەف پەیدادبیت، دیسا بو وان کەسا ژی ئەوێن نیشانێن دلوەستیانێ ل دەف ،ھەروسا بو ئەوێن سینگ ئێشانەکا بەردەوام ل دەف، ھەروسا ئیکو بو ھندەک ئێشێن ژدەرڤەی دلی دھێتە ب کارئینان وەکی دەمارێن مەزن یێن خوینێ ھەروەسا ئێشا فشارا خوینێ و ئێشا شەکرێ و گولچیسکان و دبیتە ھاریکار بومە بزانین کا ئاریشە دلی دا ھەیە یان نە .

ھەروەسا د.ئەمینی دیارکر کو ڤەکێشانا ئیکویێ ل دووڤ جورێ نەساخیێ دمینیت، ھەکە دل یێ دروست بیت کێم ڤەدکێشیت و ھەکە نە یێ دروست نەبیت گەلەک ڤەدکێشیت و ژ پێنج دەقیقا ھەتا نیڤ سەعەتێ ھندەک جارا ڤەدکێشیت و گۆت:

نەساخ ل ھەمی عەمرا پێدڤی دبنێ بەلێ ل دووف نیشانان دمینیت وەکی عەمرێن بچووک بەھرا پتر جاران ئەو نەساخێن ئەوێن دلێن وان د کون بن، و عەمرێن ناڤنجی بو سەمامێن دلی پێدڤی ئیکویێ دبن و عەمرێن مەزن بو دەمارێن دلی پێدڤی دبنێ.

ھەروەسا دیارکر کو دووبارەکرنا وێ ھاریکارە بو نوشداران دا بزانن نەخۆشی چەند مفا ژێ وەرگرتیە بۆ چارەسەریێ و گۆت: ل دەمێ دوبارەکرنێ ئەم بەرێخودانێ ل نەخۆشی دکەین کا دلێ وی باشتر لێھات یان نە، ھەروەسا ب دوبارەکرنا وێ ئەم سەحدکەینێ کا نەخوش کەنگی دێ پێدڤی پێنگاڤەکا دی بیت و نەخۆشی زێدەتر یان کێمتر لێھاتیە و ب ڤێ چەندێ ئەم دشێین بریارێ بدەین کا ئەڤ نەخوشە دێ پێدڤی ب چ بیت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *